Home \ Lajme \ Gjen 1450 euro dhe një çelës veture në Prishtinë, kërkon pronarin e tyre që t’ia kthejë

Gjen 1450 euro dhe një çelës veture në Prishtinë, kërkon pronarin e tyre që t’ia kthejë

Graniti, përmes një shkrimi në llogarinë e tij në Facebook, ka bërë të ditur se të dielën ka gjetur 1450 euro dhe një çelës të veturë, tipi Opel Astra dhe një letër.

Paratë thotë se i ka gjetur në lagjen Ulpiana, teksa po ecte rrugës.

Ai ka thënë se për këtë ka njoftuar edhe policinë, ndërkaq i ka lutur qytetarë kushdo që e njeh dike që i kanë humbur paratë dhe çelësi i veturës, të lajmërohet.

“Përshëndetje familjar dhe miq! Sonte ne ora 21:30 duke ecur në lagjen Ulpiana ( në semaforët te Beni-Dona ) kam hasur në rruge një shume parash prej 1450€ , një qelës të veturës e tipit Opel si dhe këtë letër. Njoftova policinë , ku në vendin e ngjarjes erdhi patrulla nr 103 e stacionit Nr.IV. Identifikimin e pronarit të mjeteve do e bëjnë në bazë te çelësit që do e hap veturën. Ju lutem bëjeni share që të arrijmë sa më shpejt në kontakt me personin që i takojnë. Ju faleminderit , gjitha të mirat”, ka shkruar ai në Facebook.

E përditësuar: Graniti ka njoftuar se personi është gjetur nga Policia e Kosovës, ai ishte sulmuar fizikisht nga disa persona tjerë. /Telegrafi/